Yaxtada jang o‘tkazgan hamyurtimiz, Janubiy Koreyada ringa ko‘tariladi

Xorazm boksi tarbiyalanuvchisi Abdurasul Ismoilov 29 iyun kuni, Janubiy Koreya poytaxti Seul shahrida navbatdagi reyting jangini o‘tkazadi. Unga xitoylik Kun Vang raqiblik qiladi. Xitoylik charmqo‘lqop ustasi profi ringda 13 ta jang o‘tkazib, 10 bora g‘alaba qozongan va uch marotaba mag‘lubiyat qayd etgan. Abdurasul esa 5 marotaba jang o‘tkazib, ularning barchasida g‘alaba qozona olgandi. Bu professional ringdagi oltinchi jangi bo‘ladi.

Eslatib o‘tamiz: Abdurasul Ismoilov Janubiy Koreyaning "Cocky Buffalo" promouterlik kompaniyasi tarkibida yosh murabbiy Bobur Najmiddinov qo‘l ostida janglarga hozirlik ko‘rmoqda.