UFC va Bellator o‘zaro hamkorlik qilishi mumkin

Bellatorning yarimengil vazn toifasi chempioni Kris Sayborg UFC ikki divizionining chempioni Amanda Nunesga qarshi revansh jangini o‘tkazishga tayyorligini bildirib o‘tdi.

"Hamma bizni Nunes bilan revansh jangini o‘tkazishimizni istaydi. Avvalroq, buni amalga oshirishning iloji bo‘lmagandi, ammo Dana Uayt ushbu revanshni tashkillashtirishni istasa, men jangga tayyorman.

Keling, nima bo‘lishini kutamiz, biz takliflarni ko‘rib chiqishga tayyormiz. Bellator prezidenti Skott Koker ham ushbu jangni tashkil etishga tayyor. Shunchaki, narigi tomon ham bunga rozilik bildirishi kerak bo‘ladi," - dedi Sayborg.

2018 yili Sayborg Nunesga nokaut evaziga imkoniyatni boy bergan. Shundan so‘ng, UFCda yana bitta jang o‘tkazdi va Bellator bilan shartnoma imzoladi.