Tojiev "Bunyodkor"ga qarshi durangdan so‘ng: "Menimcha, butun mavsumga etadigan vaziyatlar yaratib tashladik"

Superliganing 12-turidagi "Bunyodkor" - "Paxtakor" (1:1) o‘rtasidagi bellashuvdan keyin "Paxtakor" ustozi Kamoliddin Tojiev quyidagilarni aytdi:

"O‘yinni to‘liq nazorat qildik, katta ustunlikka ega bo‘ldik. Juda ko‘plab golli imkoniyatlarni yuzaga keltirdik. Hujumni yakunlashda aniq harakat qila olmadik.

Yigitlarga o‘yin taraflama e’tiroz yo‘q. Menimcha, butun mavsumga etadigan vaziyatlar yaratib tashladik. Milliy terma jamoadan qaytgan futbolchilarning barchasi juda yaxshi o‘yin namoyish qilishdi".