Ten Xag bu futbolchiga chiqish eshigini ko‘rsatdi

“Manchester Yunayted” bosh murabbiyi Erik Ten Xag niderlandiyalik yarim himoyachi Donni van de Bekka uning xizmatlariga ehtiyoj yo‘qligini uqtirdi.

Manchesterliklar ikki yil muqaddam bu futbolchini “Ayaks”dan transfer qilgan edi. Angliya klubi amsterdamliklarga yarim himoyachi uch 40 million funt sarflagan. Lekin bu transfer o‘zini oqlamadi.

Van de Bek uchta murabbiy – Sulsher, Rangnik va ten Xag davrida ham asosiy tarkibga kira olmadi.

Donni “Ayaks”da hozirgi bosh murabbiy Erik ten Xag bilan birga ishlagan. Lekin bu Manchester klubida unga yordam bermadi. 25 yoshli pleymeykerning agentlari qishki transferlar oynasi ochilguniga qadar unga yangi ish joyi topib berishi kerak bo‘ladi.