Левандовскининг кейинги манзили маълум

Саудия Арабистонида Роберт Левандовски "Барселона" билан шартномаси якунлангач, уларнинг бирор клубига қўшилишига ишонч билдирилмоқда. Бу ҳақда Sport.es нашри Al-Riyadiyah'га таяниб хабар берди.

Манбага кўра, Каталония клуби 36 ёшли ҳужумчи билан 2026 йилдан кейин шартномани узайтиришни режалаштирмаяпти. Левандовски фаолиятини Саудия Арабистонида давом эттириш истагини футболчининг агенти тасдиқлаган.

Ўтган мавсумда ҳужумчи барча мусобақаларда 52 та ўйинда иштирок этиб, 42 та гол урди ва 3 та голли узатма амалга оширди. Унинг "Барселона" билан амалдаги шартномаси 2026 йилнинг ёзигача мўлжалланган. Transfermarkt маълумотларига кўра, футболчининг бозор қиймати 12 миллион еврони ташкил этади.