Superliga. "Turon" kutilmaganda "Nasaf"ni mag‘lub etdi, bosh murabbiy Nazarovdan ketma-ket ikkinchi g‘alaba!

O‘zbekiston Superligasi 15-turidan o‘rin olgan "Turon" - "Nasaf" bahsi yakunlandi. Unda mezbonlar 1:0 hisobida zafar quchdi. 

Yaypanliklar safida golga Humoyun Murtozaev mualliflik qildi. Mehmonlar bu o‘yinda gol urishga muvaffaq bo‘lmadi.

E’tiborlisi, "Turon" yangi bosh murabbiy Yorqin Nazarov qo‘l ostida ketma-ket ikkinchi g‘alabasini qo‘lga kiritdi. Bundan oldin Nazarov shogirdlari "Buxoro"ni 3:2 hisobida mag‘lub etgandi. 

Shu tariqa, "Turon" 12 ochko bilan 12-o‘ringa chiqib oldi. 25 ochkosi bor "ajdarlar" 4-pog‘onadan joy egallagan.

• 90+5'
  

  Тугади! "Турон" кутилмаганда "Насаф"ни мағлуб этди - 1:0. Яйпан клуби жадвалда 12-ўринга чиқиб олди. 

• 90+4'
  

  Раҳимжон Давроновдан яна бир супер сейв. У бугун яйпанликлар учун қаҳрамон!

• 90+2'

  "Турон" тўлиқлигича қарши ҳужумлардан фойдаланишга ҳаракат қилмоқда. 

• 90'
  

  Ўйин асосий вақтига 5 дақиқа вақт қўшиб берилди. 

• 90'
  

  Абубакр Ашуровга тиббий ёрдам кўрсатиляпти.

• 88'
  

  Ухххх. Энди сейв қилиш навбати Раҳимжон Давроновга. У Амоновнинг зарбасини бартараф этди. 

• 86'
  

  Ухххххх. Умиджон Эргашев майдон эгаларининг кетма-кет зарбаларини қайтаришга муваффақ бўлди. 

• 81'

  "Насаф" футболчилари шошилишни бошлади. Уларга бугунги мағлубият қимматга тушади. 

• 78'
  

  Қарши клубида навбатдаги ўзгариш. Ғолиб Ғайбуллаев ўз ўрнини Шерзод Насруллаевга бўшатиб берди. 

• 75'

  Ухххх. Ойбек Бозоровнинг зарбаси салгина ноаниқ кетди. 

• 71'
  

  "Турон"да ҳам ўзгариш. Шоҳмалик Комилов ўрнига Нодирбек Абдураззоқов баҳсни якунлаб қўяди. 

• 70'
  

  Меҳмонларда ўзгариш. Лима Круз ва Жаба Жигаури ўрнига Баҳром Абдураҳимов ва Азизбек Амонов майдонга тушишди.

• 67'

  Акмал Мозговой майдон марказида тўпни йўқотди. 

• 65'

  Мезбонлар Рўзиқул Бердиев жамоасига яхшигина қаршилик кўрсатмоқда. 

• 63'

  Тўп билан "Насаф" футболчилари. 

• 60'
  

  Алибек Давроновга сариқ карточка кўрсатилди. 

• 57'
  

  ГООООООООООЛ эмас! Андрес Чавезнинг урган голи офсайд сабаб инобатга олинмади. 

• 54'

  "Турон" футболчиси Абдуғани Камоловнинг зарбаси ўта ноаниқ!

• 52'

  Майдон эгалари иккинчи таймда ҳужумга ўтишда қийналмоқда. 

• 49'

  Ғолиб Ғайбуллаев қарши ҳужумга ўтиб кетаётган Файзуллобек Жуманқўзиевга нисбатан қўполлик ишлатди.

• 46'
  

  Иккинчи тайм бошланди.

• 46'
  

  "Насаф" сафида иккинчи ўзгариш. Марко Станоевич ўрнига Андрес Чавез майдонга туширилди. 

• 45+1'
  

  Учрашувнинг илк бўлими якунига етди. Ҳозирча яйпанликлар 1:0 ҳисобида олдинда бормоқда. 

• 45'
  

  Биринчи таймга 1 дақиқа вақт қўшиб берилди. 

• 45'

  Ухххх. "Турон" сал қолса иккинчи голни уриб кетиши мумкин эди... Бироқ Шоҳмалик Комиловнинг бош билан берган зарбасига бироз аниқлик етишмади. 

• 42'

  Лима яйпанликлар жарима майдонида рақиб футболчисига нисбатан қўпол ҳаракат қилди.

• 39'

  "Турон"нинг ҳужумлари кескинлиги билан "Насаф"никидан фарқ қилмоқда. 

• 36'
  

  "Насаф"да тезкор ўзгариш. Шуҳрат Муҳаммадиев ўз ўрнини Зафармурод Абдираҳматовга бўшатиб берди. 

• 34'

  Шоҳмалик Комиловнинг узатмасидан сўнг Абдурашидов бош билан гол ура олмади. 

• 32'

  Майдонда шиддатли жанг бўлмоқда.

• 29'
  

  "Турон" футболчисига тиббий ёрдам кўрсатилмоқда. 

• 27'

  "Насаф" вакиллари тўп билан. 

• 22'
  

  ГОООООООООООЛ! "Турон" ҳужумчиси Ҳумоюн Муртозаев бурчак зарбасидан сўнг ҳисобни очди - 1:0.

• 21'

  Мезбонларнинг қарши ҳужумини қаршилик ҳимоячилар қайтаришга эришди. 

• 18'

  Жамбулининг зарбаси ноаниқ кетди. 

• 13'

  "Турон" футболчилари тўп назоратига эгалик қилмоқда. 

• 9'
  

  Шуҳрат Муҳаммадиевга сариқ карточка кўрсатилди. 

• 4'
  

  Жигаурининг зарбасини рақиб посбони бартараф этди

• 1'
  

  Ўйин старт олди. 

• *'

  Жамоалар майдонга чиқиб келди.