“Siti”ga o‘tsam ahmoqlik bo‘ladi!

Myonxengladbaxning “Borussiya” jamoasida porlay boshlagan Luka Nets o‘ziga “Manchester Siti”dan qiziqish bo‘layotganiga munosabat bildirdi. 18 yoshli vunderkind mashhur grandning taklifiga rad javobini berdi.

- Mening yoshimda “Manchester Siti”ga o‘tish ahmoqlik bo‘ladi. Hozircha hech qanday taklifni qabul qilmayman. Faoliyatimni rivojlashtirish borasida o‘z rejam bor. Angliya premer-ligasida o‘ynashga yoshlik qilaman, - dedi Luka Nets.

Luka Bundesligadagi eng yosh futbolchilardan hisoblanadi. U Germaniya chempionati yuqori ligasida joriy yilning boshida debyut qilgandi.

Yosh himoyachi joriy mavsumda beshta uchrashuvda maydonga tushdi.