Simeone: "Futbol kutmaydi – bor-yo‘g‘i faqat bugun bor"

"Atletiko" bosh murabbiyi Diego Simeone La Liganing 31-turida "Real Valyadolid" ustidan 4:2 hisobida qozonilgan g‘alabadan so‘ng o‘yin haqida fikr bildirdi.

– Biz yaxshi bilamizki, oson o‘yinlar yo‘q. Hammasini nazorat qilib bo‘lmaydi, buni bugun ham ko‘rdik. Futbol kutmaydi – bor-yo‘g‘i bugun, bugun, bugun bor. Jamoaviy harakatlar tufayli biz gollardan so‘ng to‘g‘ri reaktsiya qila oldik.

Rikelme haqida:

– Rikelme? O‘zi qanday o‘ynaganini so‘rang. U juda chaqqon va jamoaga kerakli narsalarni bajarishga e’tibor qaratadi. Mavsumni yaxshi boshladi, keyinroq kamroq o‘ynadi, ammo hozir u jamoa uchun kerakli ishni qilyapti, shu bois maydonda.


 

Xulian Alvares haqida:

– Xulian juda zo‘r mavsum o‘tkazyapti. Bizga shunday futbolchi kerak edi. Uning sifatlari bizga juda kerak. U La Ligada 14 ta gol urdi, lekin biz unga shunday deymiz: "Levandovski ko‘proq urgan" (ko‘z yumdi va kulib javob berdi).

Qayta-qayta kambek qilish haqida:

– "Sevilya" bilan ham shunday bo‘ldi, bugun ham. Penalti, devordan rikoshet bilan kirgan gollar – bular tasodif. Lekin eng muhimi – jamoaning reaktsiyasi. Juliano Simeone penalti ishlab oldi, gol urdi, keyin yana bosimni kamaytirdik.

Ikkinchi taymni xotirjam boshladik, bu himoyada harakat qiluvchi jamoa uchun qulay. 15 daqiqadan so‘ng o‘yin o‘zgardi – biz xavfliroq harakat qildik, masofadan zarbalar berdik va raqibga o‘yinni qiyinlashtirdik. Oxirgi yarim soatda esa o‘zimiz istagan natijani qo‘lga kiritdik" - deya ta’rif berib o‘tdi argentinalik mutaxassis.