Shomurodov jamoasining 7 o‘yinlik seriyasi yakunlandi

Italiya A Seriyasi 24-turidan o‘rin olgan bahsda peshqadam "Inter" Eldor Shomurodov harakat qilayotgan "Jenoa" klubini qabul qildi va yirik hisobda g‘alaba qozondi.

Genuyadan tashrif buyurgan raqibini 3:0 hisobida mag‘lub etgan "neradzurrilar" ularning mag‘lubiyatsiz seriyasi yakunlanishiga sabab bo‘ldi. Gap shundaki, "grifonlar" A Seriya doirasida 6 yanvar sanasidan beri mag‘lubiyat nimaligini bilmay kelayotgandi.

Shomurodov jamoadoshlari so‘nggi bor 16-tur doirasida "Sassuolo" maydonida imkoniyatni boy bergan edi.