Saidyoqub Qahramonovning jang sanasi va yangi raqibi aniq bo‘ldi (Poster)

Hamyurtimiz, sobiq UFC jangchisi Saidyoqub Qahramonovning navbatdagi jangi va raqibi ma’lum bo‘ldi. Aslida, yurtdoshimiz 7 aprel kuni XMMA turnirida AQSh vakili Frantsisko Rivera (15-10) bilan jang qilishi kerak edi. Biroq, turnir qoldirilgandi. Aynan mazkur jang kechasi endi 3 may kuni tashkil etiladi va unda hamyurtimiz ham oktagonga ko‘tariladi. Biroq, raqib o‘zgargan. Bu safar Qahramonov braziliyalik Rafael Kostaga qarshi jang qiladigan bo‘ldi.

Ma’lumot uchun, Rafael Kosta 17 ta jang o‘tkazgan va ularning 14 tasida g‘alaba qozongan. 3 mag‘lubiyat ham bor. Saidyoqub Qahramonovning rekordi esa 10-3 ko‘rinish olgan.