Ro‘ziqul Berdiev: Bu uchun Qashqadaryo birlashishi kerak (Video)

Kecha, SPORTS.uz You Tube kanalidagi “Dangal” loyihasi mehmoni bo‘lgan “Nasaf” ustozi ko‘pchilikni qiziqtirgan savollarga javob berib o‘tdi.

“Chempionlikni qo‘lga kiritishingiz uchun sizni jamoangizni byudjeti katta bo‘lishi shart. Evropaga e’tibor qarating. Germaniyada “Bavariy”, Angliyada “Manchester Siti”, Ispaniyada “Real” va “Barsa” sovrinlarni yutish uchun asosiy da’vogar. Sababi, ular o‘zlari uchun kerakli futbolchilarni tarkibga yig‘ib oladi.

Bizda esa, bunday imkoniyat yo‘q. Agar “Nasaf”ni chempion bo‘lishini istasak, butun Qashqadaryo birlashishi shart. Ana shundagina, biz maqsadimizga erishishimiz oson bo‘ladi.”

Suhbat davomida, murabbiy chempionlik poygasida shogirdlariga nima etishmagani, qaysi aspektlarda jamoa oqsayotgani va o‘zining klubdagi kelajagi borasida fikrlari bilan o‘rtoqlashdi. To‘liq  interyuni tomosha qilishingiz mumkin! Ishoning bu shunga arzidi!