"Real" tajribali futbolchisi bilan shartnomani uzaytiradi

"Real" yarim himoyachi Luka Modrich bilan shartnomani uzaytirish bo‘yicha kelishuvga erishdi.

Marca nashri xabariga ko‘ra, "Qirollik klubi" 35 yoshli xorvatiyalik bilan amaldagi kelishuvni yana bir mavsumga uzaytirdi. Shu tariqa, xavbek madridliklar safida 2022 yil yozigacha qoladi.

Modrich "Real" safida 2012 yildan buyon to‘p surib keladi. U joriy mavsumda "qaymoqranglilar" tarkibida 3 ta gol urib, 1 ta golli uzatma berdi.