«Qizilqum» – «Navbahor». Kichik ustunlik namanganliklar tomonida

Xabaringiz bor bugun Coca Cola Superliganing 13-turida "Navbahor" Navoiyda “Qizilqum” klubi mehmoni bo‘ladi.

Mazkur jamoalarning Superliga (oliy liga)dagi o‘zaro o‘yinlari statiskasiga nazar tashlaydigan bo‘lsak, mazkur klublar 38 marta o‘zaro ro‘baro‘ bo‘lishgan. Ushbu bahslarda “Navbahor” 14 marta, navoiyliklar esa 13 marta g‘alaba nashidasini surishgan, 11ta uchrashuvda esa durang qayd etilgan. To‘plar nisbati bo‘yicha ustunlik "lochinlar" tomonida -  50–44. O‘zaro o‘yinlarda"Navbahor" 53, “Qizilqum” esa 50 ochkoni qo‘lga kiritgan.

“Navbahor”ning  navoiyliklar ustidan qozongan eng yirik hisobdagi g‘alabasi – 4:0 bo‘lsa, “Qizilqum”ning bu boradagi natijasi 3:0ga teng.

Ma’lumot uchun, “Qizilqum” – “Navbahor” jamoalari o‘rtasidagi uchrashuv bugun Navoiydagi  “Yoshlik” sport majmuasida soat 20:00da start oladi. 

“Navbahor” PFK matbuot xizmati.