Pepe Reyna "Milan" bilan xayrlashdi

Ispaniyalik darvozabon Pepe Reyna yaqin vaqtlar ichida "Aston Villa" futbolchisiga aylanadi. Ispaniyalik futbolchi "Villa Park" mezboni sifatida mavsum so‘nggigacha to‘p suradi.

Xabarlarga ko‘ra, darvozabon ijara asosida APLda to‘p suradi. Shuningdek, ingliz klubida futbolchini sotib olish imkoniyati ham shartnomaga kiritilgan.

Reyna o‘zining ijtimoiy tarmog‘ida - "iyulda ko‘rishguncha "Milan", rahmat", - deya post qoldirdi.

"Milan"da Ispaniyalik futbolchining o‘rnini Asmir Begovich egallashi kutilmoqda. Mavsumning o‘tgan davri mobaynida Reyna A Seriyada bitta o‘yinda maydonga tushgan edi.