Pedrining jarohatdan tuzalishi tezlashdi

"Barselona" yarim himoyachisi Pedri jarohatidan kutilganidan ertaroq tiklanishi mumkin. "AS" nashri kataloniyalik muxlislarga ushbu xushxabarni ma’lum qildi.

Dastlab, yarim himoyachining tiklanishi 19 martgacha davom etishi xabar qilingandi. Biroq shifokorlar endi yangi sana 12 martni belgilashdi.

Xavining asosiy tarkibidagi muhim futbolchi maydonga kutilganidan bir hafta oldin qaytishi mumkin.

Eslatib o‘tamiz, Pedri Evropa ligasi 1/16 finalida "Manchester Yunayted"ga qarshi birinchi o‘yinda (2:2) jarohat olgan edi va javob o‘yinida jamoasiga yordam bera olmadi.