"Paxtakor"ning Turkiya yig‘ini doirasidagi raqiblari ma’lum

"Paxtakor"ning Turkiyadagi o‘quv-yig‘in mashg‘ulotlari davomidagi raqiblari ma’lum. Klub matbuot xizmatining xabariga ko‘ra, hozircha 6 ta jamoa bilan o‘yin bo‘yicha shartnoma imzoladi. Pedru Moreyraning rejasiga ko‘ra 9 taga yaqin o‘yin o‘rtoqlik uchrashuvida maydonga tushishi kerak.

Aniq bo‘lgan raqiblar bilan tanishtirib o‘tamiz:

8 yanvar. "Unirya Sloboziya" (Ruminiya)
12 yanvar. "Dinamo" (Xorvatiya)
15 yanvar. "Karvina" (Chexiya)
18 yanvar. "Elimay" (Qozog‘iston)
26 yanvar. "Aktobe" (Qozog‘iston)
28 yanvar. "Sileks" (Shimoliy Makedoniya)

Selektsiya ishlariga keladigan bo‘lsak, bugungacha 2 nafar yangi futbolchi bilan shartnoma imzolandi. Murabbiy mahalliy kadrlardan kelib chiqib amplualar bo‘yicha xorijlik hamkorlari bilan ishlashda davom etadi. Qolaversa, yana sifatli legionerlar kelishi rejalashtirilgan.