O‘zbekistonlik yana bir bokschi finalda

Toshkentdagi "Humo arena"da boks bo‘yicha erkaklar o‘rtasida jahon chempionati davom etmoqda. Bugun yarim final janglari bo‘lib o‘tmoqda.

-63,5 kg vazn toifasida Ruslan Abdullaev armanistonlik Xovanets Bachkov bilan ringga ko‘tariladi. 

Bokschilar ringga chiqib keldi. Hamyurtimiz ko‘k formada, uning raqibi qizil libosda harakat qiladi.

Ilk raundda Ruslanning qo‘li baland keldi - 5:0.

Ikkinchi raundda ham vakilimizning ustunligi qayd etildi - 5:0.

Oxirgi raundda Ruslan imkoniyatni boy berib qo‘ydi - 0:5. Yakuniy hisob esa 5:0 Ruslab Abdullaev foydasiga.

Shu tariqa, Ruslan finalga yo‘l oldi. Qolaversa, Abdullaev kamida kumush medali va 100 ming dollar pul mukofotini naqd qildi.