Osiyo Chempionlar ligasi. Tantashev va uning brigadasi boshqaradigan o‘yin ma’lum

Saudiya Arabistonida markazlashgan holda o‘tayotgan OChL guruh bosqichining navbatdagi uchrashuvida o‘zbekistonlik hakamlar faoliyat olib borishadi.

Xususan, 6-tur uchrashuvlaridan o‘rin olgan «Al-Jazira» — «Al-Shabab» jamoalari o‘rtasidagi bahsni Ilgiz Tantashev boshchiligidagi hakamlar brigadasi boshqarib boradi. Unga yon chiziqlarda hamyurtlarimiz Timur Gaynulin va Andrey Tsapenkolar yordam beradi. Aziz Asimov esa zaxira hakami sifatida faoliyat olib boradi.

Uchrashuv Toshkent vaqti bilan 27 aprel soat 01:45 da start oladi.

O‘FA matbuot xizmati.