Nurbek Hoshimbekov bronza medali uchun kurashadi

Jahon chempionatida yurtimiz sha’nini munosib himoya qilayotgan yunon -rum kurashchimiz Nurbek Hoshimbekov ertaga bronza medali uchun gilamga chiqadi. 82 kg vazn toifasida harakat qilayotgan yurtdoshimiz ilk uchrashuvda koreyalik Sang Xu Yok ni 3:2 hisobida mag‘lub etdi.

1/4 final bosqichida esa, unga daniyalik Radjbek Bisultanov qarshilik ko‘rsatishga urinib ko‘rdi. Ammo, hamyurtimiz uning ustidan sof g‘alabaga erishdi. 1/2 finalda afsuski gruzin Lasha Gobadzega murosasiz kechgan bahsda 3:1 hisobida imkoniyatni boy berib qo‘ydi.