“Реал” мендан фақат ўлдириб қутилади

“Реал” футболчиси Федерико Вальверде ўзига бошқа клублардан бўлаётган чорловларга эътибор қаратмасдан фақат Мадрид суперклубида тўп тепмоқчи эканини ўзгача усулда таъкидлади.

- Мен ҳеч қачон “Реал”дан кетмайман. Агар клуб хайрлашмоқчи бўлса, мени ўлдиришига тўғри келади, - деди уругвайлик ярим ҳимоячи Вальверде.

26 ёшли Федерико Вальверде “Реал”да 2018 йилдан бери ўйнаб келади. Томонларнинг ҳамкорлик шартномаси 2029 йилнинг ярмигача давом этиши белгиланган.

Ўтган мавсум Ла Лигада 36 та учрашувда қатнашиб, олтита гол ва тўртта ассист муаллифи бўлган Федериконинг трансфер нархи 130 миллион еврога баҳоланмоқда. Бу футболчи “Реал” таркибидаги энг муҳим ўйинчилардан бири ҳисобланади.