Neymarni olinglar!

PSJ hujumchisi Neymar yozda jamoani tark etishi kutilmoqda. Football Insider nashrining ma’lum qilishicha, vositachilar 31 yoshli to‘purar xizmatini “Liverpul”ga taklif qilgan.

Unga ko‘ra, “Liverpul”dan kelayotgan yozda futbolchining transfer uchun 80-90 million evro to‘lashni so‘rashgan.

Vositachilar xuddi shu taklif bilan “Manchester Siti”, “Manchester Yunayted” va “Nyukasl”ga ham murojaat qilishgan. Shunga qaramay, transfer mutaxassislar Angliya klublari Neymarning talablari yuqori ekanidan kelib chiqib, uni xarid qilishga shoshilmaydi.

Neymarning PSJ bilan kelishuvi 2025 yilning yarmigacha tuzilgan. Braziliyalik yulduz har mavsum uchun 50 million evro atrofida maosh olmoqda.