"Navruz Cup-2022". Chiptalar narxi arzonlashtirildi!
Namanganda o‘tkazilayotgan “Navruz Cup-2022” xalqaro musobaqasining 29 mart kuni bo‘lib o‘tadigan o‘yinlari uchun chiptalar narxi muxlislarga qulaylik yaratish maqsadida arzonlashtirildi.
Ertadan sotuvga chiqadigan chiptalar narxi barcha sektorlarga 20 000 so‘m etib belgilandi. Asosiysi, bitta chipta xarid qilib, 29 mart kungi 2 ta o‘yin, ya’ni, Tojikiston – Qirg‘iz Respublikasi hamda O‘zbekiston – Uganda terma jamoalari o‘rtasidagi uchrashuvlarni bevosita stadionda tomosha qilish imkoniyatiga ega bo‘lasiz.
Shuningdek, stadionga tashrif buyurgan muxlislar terma jamoamiz futbolchilari dastxatlari tushirilgan futbolkalarni qo‘lga kiritish imkoniyatiga ham ega bo‘lishadi.
Chiptalarni xarid qiling, milliy terma jamoamizni bevosita stadionda qo‘llab-quvvatlang va dastxat tushirilgan maxsus futbolkalarga ega bo‘ling, aziz muxlislar!
“Navbahor” PFK matbuot xizmati.
Fikrlar