MYuning dekabr oyidagi eng yaxshi futbolchisi aniqlandi

"Manchester Yunayted" hujumchisi Markus Reshford jamoaning dekabr oyidagi eng yaxshi futbolchisi deb topildi. 22 yoshli hujumchi bu borada o‘tkazilgan maxsus so‘rovnomada 40 % ovoz to‘plashga erishdi va qatorasiga ikkinchi marta MYu tarkibida oy futbolchisi deya e’tirof etildi.

Ma’lumot uchun, Reshford 2019 yilning so‘nggi oyida "qizil iblislar" safida 8 bahsda ishtirok etdi va 6 ta gol kiritishga erishdi.