MYu ustozi Reshforddan norozi ekanini aytdi

Erik ten Xagning aytishicha, "Manchester Yunayted" va Markus Reshfordning o‘zi ham futbolchining formasidan norozi. 

Reshford Chempionlar ligasi doirasida "Kopengagen"ga qarshi bellashuvda "qizil iblislar" 2:0 hisobida oldinda borayotgan paytda maydondan chetlatildi. Natijada mankunialiklar yakunda (3:4) mag‘lubiyatga uchradi. 

Joriy mavsumda 26 yoshli angliyalik forvard barcha turnirlar doirasida 15 ta o‘yinda maydonga tushib, 1 ta gol urdi va 3 ta golli uzatmaga mualliflik qildi. 

"Menimcha, u o‘zidan norozi. Biz ham. Ayni vaqtda Markus eng yaxshi holatda emas. 

Men u yana o‘z formasiga qaytishini bilaman. Qachonki jamoa yaxshiroq o‘ynasa, u ham yaxshi o‘ynaydi va gol uradi. Men bunga aminman", - dedi niderlandiyalik mutaxassis.