Modrichning "Milan"ga ko‘chib o‘tishi nega amalga oshmay qolganini bilasizmi?

«Real» yarim himoyachisi Luka Modrich «Milan» klubiga ko‘chib o‘tishga juda yaqin kelgandi», - deya xabar bermoqda «Marca» nashri.

Manbada keltirilishicha, «Rossonerlar»ning sobiq sport direktori Zvonimir Boban xorvatiyalik 34 yoshli futbolchi bilan deyarli kelishuvga erishib bo‘lgandi. Biroq Boban iste’foga chiqarib yuborilganidan so‘ng Modrichning transferi amalga oshmay qolgan.

Joriy mavsum Luka «Qirollik klubi» safida 30 ta o‘yin o‘tkazib, 5 ta gol urdi va sheriklariga 5 marta assistentlik vazifasini o‘tab berdi.