“Manchester Yunayted”ga Ronaldu etishmayapti

“Manchester Yunayted”ning sobiq hujumchisi Lui Saa jamoaning “Liverpul”dan 0:7 hisobida qaqshatqich mag‘lubiyatga uchraganiga munosabat bildirdi.

Saa bu sharmandali muvaffaqiyatsizlikni tarkibida Krishtianu Ronalduning yo‘qligi bilan izohladi.

- Aslida Ronalduning ketishi “Manchester Yunayted”da yangi davr boshlagani sifatida baholandi. Bosh murabbiy Erik ten Xag  hammasini yangidan boshlash va jamoani g‘oliblik ruhida shakllantirish imkoniyatiga ega bo‘ldi.

Endi jamoaning barqarorligi tiklangan paytda ular Krishtianu Ronaldu bilan yanada ko‘proq natijalarga erishga bo‘lardi.

Ayniqsa, 0:7 hisobidagi mag‘lubiyatga qaraganda, Ronaldu bunday paytda jamoaga katta yordam bera olardi, degan xulosaga kelaman, - dedi Lui Saa.