"Manchester Siti"ni kim to‘xtata oladi?! "Shaharliklar" bu mavsumda hali mag‘lub bo‘lmadi

Angliyaning "Manchester Siti" klubi joriy mavsumda hali bitta ham mag‘lubiyat alamini totib ko‘rmadi.

Kecha Xosep Gvardiola shogirdlari Chempionlar ligasi umumiy bosqichi 3-tur uchrashuvida Praganing "Sparta" jamoasini o‘ta yirik ko‘rinishda mag‘lub etishdi(5:0).

Mavsum boshidan buyon "Manchester Siti" barcha musobaqalarda o‘tkazgan 13 ta o‘yinning birortasida ham mag‘lubiyatga uchramagan. Jamoa shu vaqt mobaynida 9 ta g‘alaba va 4 ta durang qayd etgan. 

"Shaharliklar" endi navbatdagi uchrashuvini "Sautgempton"ga qarshi APL doirasida o‘tkazadi. Mazkur bahs esa, 26 oktyabr kuni bo‘lib o‘tadi.