Maguayr: "Mamlakatda ko‘pchilik MYuni yoqtirmaydi"

"Manchester Yunayted" himoyachisi Xarri Maguayr jamoaga bo‘lgan bosim haqida fikr bildirdi.

"Yigitlar qattiq mehnat qilishyapti, jamoada ajoyib muhit bor. Biz muvaffaqiyatga erishmoqchimiz va bu uchun qo‘limizdan kelgan barcha ishni qilyapmiz. Oxirgi vaqtlarda etarlicha yaxshi o‘ynamadik va muxlislarimizga ko‘p narsa bera olmadik. Bu deyarli yangi boshlang‘ichdek tuyulyapti va umid qilamanki, bu yaxshi boshlanish bo‘ladi.

Ser Aleks Fergyuson davrida bizda mamlakatdagi eng kuchli jamoa bor edi va barcha sovrinlarni qo‘lga kiritdik. Lekin hozirgi reallik — biz eng yaxshi emasmiz. Bosimga dosh berish va maydonda xuddi bolalar maydonchasidagi kabi erkin o‘ynash kerak. Oxirgi 10 yilda biz shu narsaga intilib keldik.

"Manchester Yunayted"ga e’tibor yuqori bo‘lishiga sabab – mamlakatda ko‘pchilik bu klubni yoqtirmasligi. Bu haqiqat", – dedi Maguayr "Rio Ferdinand Presents" podkastida.