Kavani ularga qimmatlik qiladi

Argentinaning "Boka Xuniors" klubi prezidenti Xorxe Amor Ameal PSJ forvardi Edison Kavanining jamoaga taklif etilishi borasida tarqalgan xabarlarga munosabat bildirib o‘tdi. Bu haqda Goal.com ma’lum qildi.

“Kavanidek futbolchi bizning jamoada o‘ynamoqchiligidan xursandmiz, ammo moliyaviy tomondan bunga qurbimiz etmaydi. Kavani - ajoyib futbolchi, lekin biz hozirgi tarkibimiz haqida o‘ylashimiz kerak”, - deydi prezident.

33 yoshli urugvaylik futbolchi yozda PSJni erkin agent sifatida tark etadi. Unga "Atletiko" va "Inter Mayami" klublaridan ham qiziqishlar mavjud.