Isroil Madrimov ikkinchi janginini venesuelalik bokschiga qarshi o‘tkazadi

Biroz avval hamyurtimiz Isroil Madrimovning professional boksdagi ikkinchi raqibi nomi ma’lum qildi. Sportchimiz instagramdagi rasmiy sahifasida bu haqida ma’lum qilmoqda. 

9 mart kuni kechadigan bahsda Madrimov ikkinchi jangini venesuelalik Frenk Roxasga qarshi o‘tkazadigan bo‘ldi. Ma’lumot uchun, Roxas shu paytgacha professional boksda 26 marta ringga ko‘tarilib 24 bor zafar quchgan. G‘alabalarining 23 tasida raqiblarini nokautga uchratgan. Shuningdek, uning hisobida 2 mag‘lubiyat ham bor.

Eslatib o‘tamiz, Madrimov dastlabki jangida meksikalik raqibini nokautga uchratib, WBA Intercontinental kamariga ega chiqqan edi.