"Inter" "Barselona" bilan kelisha olmayapti

"Inter" klubi o‘z safida "Barselona" xavbeki Arturo Vidalni ko‘rmoqchi, ammo uning transferi bo‘yicha kelisha olmayapti.

Sport.es nashri tarqatgan xabarga ko‘ra, “neradzurrilar” 32 yoshli chililik futbolchi uchun 15 mln evro taklif qilishgan, biroq kataloniyaliklar uni 20 mln evrodan kamiga qo‘yib yuborishmoqchi emas.

Bundan avvalroq esa Vidalga "Yuventus" va "Borussiya" Dortmund klublaridan ham qiziqishlar bo‘layotgani haqida xabarlar tarqalgan edi.

Arturo Vidal joriy mavsum “Barselona” safida 31 ta o‘yinda maydonga tushdi va o‘z hisobiga 6 ta gol hamda 3 ta golli uzatma yozdirib qo‘yishga erishdi. Uning klub bilan amaldagi shartnomasi 2021 yilga qadar imzolangan.