Hindistonda shaxmat olimpiadasi boshlandi

Bugun Hindistonning Chennay shahrida navbatdagi shaxmat olimpiadasi boshlanadi.

Ochiq turnirning birinchi bosqichida 14-o‘rinni egallab turgan O‘zbekiston terma jamoasi Nepal (107) terma jamoasiga qarshi bahs olib boradi.

Ayollar terma jamoasi (reytingda 46-o‘rin) musobaqani Gana (128)ga qarshi o‘yin bilan boshlaydi.

Har bir uchrashuv to‘rtta o‘yindan iborat bo‘lib, unda jamoalar vakillari bir-biriga qarshi o‘ynaydi. Hammasi bo‘lib har bir jamoa 11 tadan o‘yin o‘tkazadi.

Hindiston mezbonligida o‘tayotgan shaxmat olimpiada 9 avgustga qadar davom etadi.