Gvardiola Braziliya terma jamoasida ishlashi mumkin?!

"Manchester Siti" bosh murabbiyi Xosep Gvardiola Braziliya terma jamoasida bosh murabbiylik qilishi mumkin. Bu haqda ko‘plab nashrlar xabar bermoqda.  

Ma’lumotlarga ko‘ra, braziliyaliklar Tite o‘rniga aynan Gvardiolani munosib nomzod, deb hisoblamoqda. Biroq ispaniyalik mutaxassis bu fikrga rozilik bildirmadi.

"Ular uchun yaxshi braziliyalik murabbiylar etarlicha. Qaytaraman, bu mamlakatda saviyali murabbiylar etarlicha. Mavzu yopildi", - dedi "shaharliklar" bosh murabbiyi.

Eslatib o‘tamiz, ayni paytdagi Braziliya terma jamoasi bosh murabbiyi Tite avvalroq Qatardagi mundialdan so‘ng iste’foga chiqishini ma’lum qilgandi.