Golli vaziyatlarni barbod qilishda “Yunayted” yulduzlari etakchi

Futbolda g‘alabani ta’minlovchi omil – gollar. Butun jamoa hujumchilarga golli vaziyatlar yaratib berishga urinadi.

Biroq ayrim hujumchilari jamoadoshlarining mehnatlarini puchga chiqarib qo‘ymoqda.

Statistika mutaxassislar 2023-2024 yilgi mavsumda Angliya Premer-ligasida qulay vaziyatlarni eng ko‘p barbod qilayotgan o‘yinchilarni aniqladi.

Yoan Vissa, “Brentford” – 29%

Yoan Vissa ettita vaziyatdan 2 tasidan foydalandi.

Tomash Souchek, “Vest Xem” – 29%

Tomash Souchekning samaradorligi tobora tushib bormoqda. U ham Vissa kabi ettita imkoniyatdan beshtasini qo‘ldan chiqardi.

Darvin Nunes, “Liverpul” – 23%

Liverpulliklarning qimmatbaho o‘yinchisi 13 ta qulay vaziyatdan o‘ntasidan foydalana olmadi.

Olli Uotkins, “Aston Villa” – 14%

Tajribali hujumchiga jamoadoshlari 14 ta golli vaziyat yaratib berishdi. Olli faqat ikkitasini darvoza to‘riga tushirdi.

Markus Reshford, “Manchester Yunayted” – 0%

O‘tgan mavsumda to‘purarlik qobiliyatini namoyish qilgan Markus bu gal oltita qulay vaziyatni barbod qildi.

Rasmus Xoylund, “Manchester Yunayted” – 0%

Katta umidlar bilan olib kelingan qimmatbaho hujumchi APLda gollar hisobini ochgani yo‘q. Gol urishi uchun jamoadoshlari uni sakkiz marta qulay pozitsiyaga olib chiqishgan edi.