Flik "Borussiya Dortmund"dan uchralgan mag‘lubiyat sababini aytdi

"Barselona" bosh murabbiyi Xans-Diter Flik Chempionlar Ligasi chorak finalida "Borussiya Dortmund"ga qarshi javob o‘yinidagi jamoasining mag‘lubiyatga uchrashi sabablari haqida fikr bildirdi. Uchrashuv 1:3 hisobida yakunlandi, ammo birinchi o‘yindagi 4:0 hisobidagi yirik g‘alaba tufayli kataloniyaliklar turnirning yarim finaliga yo‘l oldi. 

- So‘nggi ikki hafta ichida qancha o‘yin o‘tkazganimizni bilasizmi? Menda hech qachon bunday jadval bo‘lmagan. Dam olishga vaqtimiz yo‘q.

Dortmundda yaxshi o‘ynamadik, ammo yarim finaldamiz. Bunday holat yuz berishi tabiiy, - dedi Flik "Selta"ga qarshi bahs oldidan bo‘lib o‘tgan matbuot anjumanida.

Eslatib o‘tamiz, "Barselona" va "Inter" o‘rtasidagi Chempionlar ligasi yarim finalining dastlabki uchrashuvi 30 aprel kuni bo‘lib o‘tadi.