Doniyor Abdumannopov Antaliyada klubini o‘zgartirdi (foto)

Toshkentning “Bunyodkor” jamoasi ham Turkiyaning Antaliya shahrida navbatdagi tayyorgarlik bosqichini boshlaganidan xabaringiz bo‘lsa kerak.

Jamoaning ushbu yig‘iniga andijonlik futbolchi Doniyor Abdumannopov ham qo‘shildi.

O‘tgan mavsumning ikkinchi davrasida “Navbahor”ga ko‘chib o‘tgan yarim himoyachi bu yilgi chempionat uchun ham klub bilan yangi shartnoma imzolagandi va namanganliklar bilan Antaliyadagi yig‘inda ishtirok etib kelayotgandi.

Biroq keyinchalik Abdumannopov jamoani tark etganga o‘xshaydi. Boisi u Antaliyada “Bunyodkor”ning yig‘iniga qo‘shilganligi ma’lum bo‘ldi. Aftidan, futbolchi bu yilgi Superligani “Qaldirg‘ochlar” tarkibida boshlaydigan bo‘lib turibdi.