"Chelsi"ning asosiy futbolchilaridan biri Evropa ligasi finalini o‘tkazib yuboradi

Londonning "Chelsi" klubi yarim himoyachisi Ruben Loftus-Chik "Arsenal"ga qarshi bo‘lib o‘tadigan Evropa ligasi final bahsini o‘tkazib yuboradi.

Klub rasmiy saytining xabar berishicha 23 yoshli angliyalik futbolchi "Nyu-Inglend Revolyushn" (3:0) jamoasiga qarshi o‘tkazilgan o‘rtoqlik uchrashuvida jiddiy jarohat olgan. Endi u tez orada jarrohlik amaliyotini boshdan o‘tkazadi.

Hozircha shifokorlar uning qachon safga qaytishini aniq aytishmayapti.

Ma’lumot uchun, Loftus-Chik joriy mavsum “aristokratlar” safida jami 40ta o‘yinda ishtirok etdi va o‘z hisobiga 10ta gol hamda 5ta golli uzatma yozdirib qo‘yishga erishdi.