Bundesliga. "Bavariya" ketma-ket 4-o‘yinda ham durang o‘ynadi

Bundesliga 18-turidan o‘rin olgan "Bavariya" - "Ayntraxt" Frankfurt uchrashuvi yakuniga etdi. Unda tomonlar 1:1 hisobidagi durangga imzo chekdi. 

Dastlab, Sane 34-daqiqada hisobni ochdi. 69-daqiqada esa Kolo-Muani muvozanatni tikladi va bu gol o‘yinda oxirgisi bo‘lib qoldi. 

Shu tariqa, myunxenliklar mazkur turdan so‘ng 37 ochko to‘plagan holda, Germaniya chempionati turnir jadvalida peshqadamlik qilmoqda. Frankfurtliklar 32 ochko bilan 5-pog‘onadan o‘rin egallagan.

Ma’lumot o‘rnida, "Bavariya" bungacha bo‘lgan 3 bahsda durang o‘ynab kelayotgandi.