Boks bo‘yicha O‘zbekiston chempionati bo‘lib o‘tadi

Kattalar o‘rtasida O‘zbekiston chempionati bo‘lib o‘tadi. Bu haqda O‘zbekiston Boks Federatsiyasi matbuoti xabar berdi.

2025 yilning 20-28 yanvar kunlari Toshkent shahri, 2024 yilgi kattalar o‘rtasida (erkaklar va ayollar) O‘zbekiston chempionati bahslariga mezbonlik qiladi.

Musobaqaning saralash bahslari 21-25 yanvar kunlari Respublika Olimpiya va Paralimpiya sport turlariga tayyorlash markazining boks zalida bo‘lib o‘tadi.

26-28 yanvar kunlari bo‘lsa,  mamlakat birinchiligining yarim final va final janglari  "Zo'r TV" (Renesans Hall) binosida bo‘lib o‘tishi rejalashtirilgan.