Birorta nazorat o‘yinida g‘alaba qozonmagan "Paxtakor" BAAdagi yig‘inni yakunladi

"Paxtakor" BAAning Dubay amirligida o‘tkazgan yig‘inini nihoyasiga etkazdi.

Ikki haftalik yig‘in davomida Piter Xyuistra jami 28 nafar futbolchi bilan mashg‘ulot o‘tkazdi. Unda o‘tgan mavsum yoshlar jamoalarida o‘zini ko‘rsatgan bir qator futbolchilar ham sinab ko‘rildi. Kichik jarohati bor o‘yinchilar tiklanish jarayonini davom ettirdi. Yig‘inda uch nazorat bahsi o‘tkazilib, "Zenit" (0:3), "Spartak" (1:2) va "Riga" bilan bellashuvlarda (0:2) jamoaning umumiy tayyorgarligini o‘stirish borasida ishlandi.

Bugun "sherlar" Dubaydan Toshkentga qaytib kelishadi. Keyin mashg‘ulotlar Qibraydagi bazada davom ettirilishi ko‘zda tutilgan.