“Barselona” jamoani kuchaytiradigan futbolchi topdi

Kataloniya klubi rahbariyati anchadan beri qidirayotgan markaziy himoyachi “Sevilya”dan topildi. “Barselona” skautlari Jyul Kundening o‘yiniga yuqori baho bermoqda.

“Sevilya” o‘z futbolchining imkoniyatlarini yaxshi bilgan holda unning transfer summasini 75 million evro qilib belgilagan. “Barselona” dunyoda yuz berayotgan pandemiya tufayli inqirozlarni ro‘kach qilib, bu summani kamaytirishga umid qilmoqda.

“Sevilya” 21 yoshli frantsiyalik futbolchini bir yil muqaddam “Bordo”dan 25 million evroga transfer qilgandi. Klub va futbolchini 2024 yilning yozigacha davom etadigan shartnoma bog‘lab turibdi.