“Barsa” yulduzi maydonga qadam bosishi bilan fikri o‘zgardi

“Barselona”ning frantsiyalik hujumkor futbolchisi Usmon Dembele joriy mavsumda birinchi bor maydonga tushdi.

Jarohatidan qutilgan yulduz Evropa Chempionlar ligasi guruh bosqichi to‘rtinchi turida “Dinamo Kiev” bilan bo‘lgan bahsda 65-daqiqada zaxiradan o‘yinga qo‘shildi.

Kataloniyaliklarning kichik hisobdagi g‘alabasi bilan yakunlangan bahsdan keyin Usmon Dembeleni jamoani tark etish fikridan qaytib, “Barselona”da qoladigan bo‘ldi.

Ma’lumotlarga qaraganda, Dembele jamoa bilan yangi shartnoma tuzish maqsadida o‘ziga “Nyukasl Yunayted”dan bo‘layotgan manfaatli taklifga rad javobini bergan.