Arteta klubni sharmanda qilgan darvozabon o‘rniga boshqasini oladi

“Arsenal” bosh murabbiyi Mikel Arteta Liga kubogidagi xatolari tufayli jamoaning musobaqadan chiqib ketishida asosiy aybdor bo‘lgan darvozabon Runar Runarssonni klubdan haydab yuboradigan bo‘ldi.

Ispaniyalik mutaxassis “Manchester Siti” bilan o‘yinda qo‘pol xatolarga yo‘l qo‘ygan islandiyalik posbonga ortiq ishonch bildirmasligini ma’lum qildi.

“Kanonirlar” bosh murabbiy topshirig‘iga ko‘ra, yangi darvozabon izlamoqda. Hozircha, ularga “Brentford” vakili David Rayya va “Brayton” posboni Metyu Rayanning nomzodi ma’qul kelmoqda.