Ana xolos! Malkom Rossiya terma jamoasida o‘ynashi mumkin

Mavsumlar oralig‘ida “Barselona”dan “Zenit”ga ko‘chib o‘tgan braziliyalik vinger Malkom Rossiya fuqaroligini qabul qilib, milliy terma jamoada o‘ynashi mumkinligini inkor etmadi.

“Bilmadim, hamma narsa bo‘lishi mumkin. Agar Braziliya terma jamoasi meni chaqirmasa va Rossiya terma jamoasidan qiziqishlar bo‘lsa, u holda hamma narsa bo‘lishi mumkin”, - deydi Malkom.

Eslatib o‘tamiz, ayni damda Rossiya terma jamoasi safida bir nechta braziliyalik futbolchilar to‘p surib kelishmoqda. Darvozabon Gilerme va himoyachi Mario Fernandeslar shular jumlasidandir.