Allegri Gvardiolaning shogirdini rad etdi

Turinning “Yuventus” klubi bosh murabbiyi Massimiliano Allegri "Manchester Siti" yarim himoyachisi Kalvin Fillips transferiga to‘sqinlik qildi.

"Sky Sport Italia" nashri xabariga ko‘ra, "keksa sinora" ustozi angliyalik futbolchini o‘z jamoasida ko‘rishni istamayapti. "Yuventus" Fillipsni keyinchalik sotib olish huquqi bilan olti oyga ijaraga olmoqchi edi.

Avvalroq Filipsga Angliya Premer-ligasi klublaridan "Nyukasl", "Manchester Yunayted" va "Liverpul" klublari qiziqish bildirmoqda.

Eslatib o‘tamiz, Kalvin 2022 yilning yozida “Lids”dan transfer qilinganidan keyin "shaharliklar" sharafini himoya qilib kelmoqda.