"Sanderlend" Devid Moyesning o‘rniga ispaniyalik murabbiyni olib kelmoqchi

Ispaniyalik mutaxassis Aytar Karanka "Sanderlend" bosh murabbiyi Devid Moyesning o‘rnini egallashi mumkin. Bu haqda Sport.es nashri xabar tarqatmaqda.

Ta’kidlash kerakki, Moyes boshqaruvidagi "Sanderlend" joriy mavsum yakunlariga ko‘ra APLni tark etgan birinchi jamoa bo‘lib ulgurdi. Endi ular kelgusi mavsumni Chempionshipda o‘tkazishadi.

Ma’lumot uchun, Karankaning so‘nggi ish joyi "Midlsbro" klubi bo‘lgan edi. U o‘tgan oyda ayni shu jamoadan iste’foga chiqarilgan edi.