"Napoli"ga "Tottenxem" darvozaboni kerak

"Napoli" klubi jarohat olgan darvozaboni Aleks Meret o‘rniga munosib nomzod qidirmoqda.

Sportmediaset nashri tarqatgan xabarga ko‘ra "Tottenxem" posboni Mishel Vorma neapolliklarning qiziqishlar doirasiga kirib qoldi. “Napoli” shuningdek Simon Minole (“Liverpul”) va Gilerme Ochoa (“Standard”) kabi darvozabonlarni ham ko‘z ostiga olib qo‘ygan.

Eslatib o‘tamiz, “Napoli”ning asosiy posboni Pepe Reyna shartnomasi tugagach “Milan”ga ko‘chib o‘tgan edi.