Mixail Volinkin “Arnold klassik” turnirida g‘oliblikni qo‘lga kiritdi

AQShning Kolumbus shahrida (Ogayo shtati) bahodirlar o‘rtasida katta sport festivali yakuniga etdi. “Arnold klassik” turnirida ishtirok etgan polvonlarimizning ikki nafari g‘olib deb topildi.

Erkaklar o‘rtasida Mixail Volinkin shohsupaning eng yuqori pog‘onasiga ko‘tarildi va bu bilan ushbu turnirda g‘olib chiqqan ilk o‘zbekistonlik sportchiga aylandi. Ayollar o‘rtasida esa Olesya Gurueva yurtimiz sharafini munosib himoya qildi va birinchi o‘rinni qo‘lga kiritishdi.

Eslatib o‘tamiz, sportchilarimiz dekabr oyida BAAning Dubay shahrida bahodirlar o‘yini bo‘yicha navbatdagi jahon kubogida ushbu turnirga yo‘llanmani qo‘lga kiritgan edi.