Lyakazettni Angliyada nimalar hayratga soldi?

Mavsumlar oralig‘ida “Lion”dan “Arsenal”ga ko‘chib o‘tgan hujumchi Aleksandr Lyakazett o‘zining Angliya va ingliz futboli haqidagi taassurotlari haqida gapirib o‘tdi.

“Menga London yoqdi, biroq bu erning ob-havosini zo‘r demagan bo‘lardim. Hozir ingliz tilini o‘rganyapman. Agar APLni Frantsiya chempionati bilan solishtiradigan bo‘lsam, bu erda yaxshi hujumchilar juda ko‘p. Masalan, Xarri Keyn, Romelu Lukaku, Serxio Aguero, Gabriel Jezus, Jeymi Vardi, Alvaro Morata. Shu bois “Oltin butsa” uchun jiddiy kurash kechadi deb o‘ylayman”, - deydi frantsiyalik futbolchi The Independent nashriga bergan intervyusida.