Emeri Neymarning Parijga qachon qaytishiga oydinlik kiritdi

PSJ bosh murabbiyi Unai Emeri xujumchi Neymarning jarohatidan tiklanishi va Parijga qachon qaytishi haqida o‘z fikrini bildirib o‘tdi.

Xozirda futbolchi Braziliyada o‘ng oyog‘i ustidan  o‘tqazilgan jarohlik amaliyotidan so‘ng tiklanyapti. Agar PSJ Frantsiya kubogining finaliga yo‘llanmani qo‘lga kiritsa katta ehtimol bilan Neymar ushbu uchrashuvda ishtirok etishi mumkin. Eslatib o‘tamiz mazkur bahs 8 may kuni bo‘lib o‘tadi.

- Neymar bilan kuni-kecha gaplashgandim. Biz kelajakdagi final uchrashuv haqida suhbat olib bordik. Shuni aytishim joizki, uni 2-3 haftadan so‘ng Parijda tibbiy ko‘rikdan o‘tqazishadi, - deydi Emeri.